Sajak Sunda ~ Tangtungan

Dijual Buku Antik dan Langka


Tangtungan
Ku: Santi Kania

Di kamar pasagi kuring ngawangun diri
tina poé-poé lawas ilang
jeung mangsa nu bakal datang diri diharudum sepi. 

Kungsi datang parawan béntang
dina panonna aya sorot katengtreman
dina imut manggih asih sarangkuman.

Tapi diri lain lalaki nu boga tangtungan
kabébasan haté aya dina canggeuman
indung bapa jeung kulawarga
manéhna nu kumawasa.

Di kamar pasagi kuring noropong diri
tina kagagalan nu karandapan
jeung kasureman nu keur disorang
sabab leungit hiji tangtungan.

Bandung 68.

Tina Majalah Sunda manglé no.269. Mei.1971



Geterna Rasa
Ku: R.A.S

Anteng enggoning mumuja
rurumbé kersaning jaya
getering sora anu mulya
awor ing rasa nu enya
wekasan terang ka Gusti
ingkah saliring dumadi
lampahna tara pahili
ibarat Gondéwa-paksi
semprungna bareng ngahiji.

Panineungan, September '70 

Tina Majalah Sunda manglé no.269. Mei.1971


Dijual Buku Antik dan Langka Sastra Sejarah Dll
Dijual Majalah Cetakan Lama
Dijual Buku Pelajaran Lawas

Postingan terkait

Saya JAY SETIAWAN
tinggal di kota Bandung. Selain iseng menulis di blog, juga menjual buku-buku bekas cetakan lama. Jika sahabat tertarik untuk memiliki buku-buku yang saya tawarkan, silahkan hubungi Call SMS WA : 0821 3029 2632. Trima kasih atas kunjungan dan attensinya.

Sajak Sunda ~ Tangtungan

Posting Komentar